2010 de 44 Rojnamegerî Kişîyay

Goreyê raporê Komîteya Pawitişê Rojnamegeran (CPJ), par seraserê cîhanî de 144 rojnamegerî kişîyay û 145 rojnamegerî zî ameyê hepis kerdene.

Komîteya Pawitişê Rojnamegeran (CPJ) raporêk bi sernameyê “Serra 2010î de êrîşê vera rojnamegeran” vila kerd. Nê raporî de yeno vatene ke serra 2010î de seraserê cîhanî de 144 rojnamegerî kişîyay û 145 rojnamegerî zî gêrîyay.

Goreyê xebera ke Ajansa Anadolî de vila bîya, rapor hetê serekê komîteya îdareyî yê CPJ Joel Simonî û cagirewtoxê ey ra bînaya Neteweyanê Yewbîyayan de ameyo eşkera kerdene. CPJ, seba ke NY û dezgeyê mîyanneteweyîyê bînî meselaya pawitişê rojnamegeran û azadîya fikrî de xemsarîye kenê, coka raporê xo bînaya NY de eşkera kerdo.

Serekê komîteya îdareyî yê CPJ Joel Simonî va: “Serra 1996 ra nat, na reya verên a ke hûmara rojnamegeranê ke amey girewtene, hende zêde ya. 145 rojnamegeranê ke tewqîf bîyê ra 34 kesî Çîn de, 34 kesî zî Îran de ameyê hepis kerdene.

Joel Simonî va: “Nîmeyê rojnamegeranê ke gêrîyayê û nika zîndanan de yê, rojnamegerîya înternetî kenê. Ganî rojnamegerîya înternetî bêro pawitene.”