Cildê Diyin yê NEWEPELî Vejîya

Tam di serrê rojnameyê yewin yê safî kirdkî Newepelî temam bîyî û cildê diyin yê Newepelî ke 24 hûmaran ra yeno pê, vejîya.

Cildê yewin yê Newepelî hûmara 1. ra hetanî 24. bi, cildê diyin zî hûmara 25. ra hetanî hûmara 48. yo.

Seke yeno zanayene, pêrar roja 15 adare 2011 de rojnameyê Newepelî ke tarîx de rojnameyo tewr verên yê kirdkî yo, dest bi weşanî kerdbi û bi hawayêko perîyodîk her pancês rojan ra yew hûmare weşanîyaybî. Bi hûmara 48. ke roja 1 adare 2013 de weşanîyabî, diserrîya Newepelî debîye.

Heme hûmarê rojnameyî ke serrêk de vejîyayê, sey cildê diyin xizmetê wendox, cigêrayox û arşîvkaran de yê.

Kesê ke wazenê bibê wayîrê cildê rojnameyê Newepelî, wa adresa newepel@hotmail.com rê binusê.

Vaya cildê Newepelî 40 TL yo.

Ê ke teber ra wazenê, heqê kargoyî yan zî postayî 10 TL yo.