Dîyarbekir de Kursê Kirdkî Hewna Dest Pêkenê

Komela ziwan huner û kulturî ZIWAN-KOM ke par menga tebaxe de Dîyarbekir de awan bibî û xo rê aktuelkerdişê kirdkî kerdo hedef, kursê musnayîşê wendiş û nuştişê ziwanî dewam kena.

Par payîzî ra nat, komele di rey kursê kirdkî organîze kerdbî. Her di dewreyan de zî kursî zaf bisewîye û berhemdar vîyartbîy. Netîceyê her di kursan de zaf kesan dest bi nuştişê kirdkî kerdbi. Çunke kursê kirdkî yê ke komela ZIWAN-KOMî dana, zafane bi hawayê xebata atolye vîyarenê.

Komela ZIWAN-KOMî wazena reya hîrêyine Dîyarbekir de dewreyê kursan bido destpêkerdiş. Seba kursî di grûbî virazîyenê: Grûba yewine, kesê ke kirdkî zanê la wendiş û nuştiş de zehmetî ancenê. Grûba diyine zî, kurmancê ke wazenê kirdkî bimusî ra yena pê.

Her di dewreyanê verênan yê kursî de Roşan Lezgînî derse dabî, nê kursê ke newe yenê organîzekerdiş de zî hewna o derse dano. Kursê ke verê cû virazîyabî, hewte de rojêk bî. La na rey komele plan kena ke hewte de tewr tay hîrê rojî kurs bêro dayîş.

Seba nê kursî, mîyanê hewteyî de do çend rojî kurs bêro dayîş, hewna, mîyanê roje de saeta kursî badê muracatî do kursîyeran reyde pîya tesbît bibo.

Komele her di dewreyanê verênan de seba kursî tu ucretêk teleb nêkerdbi. Nê dewreyî de zî ancîna tu ucret teleb nêkena.

Kesê ke Dîyarbekir de wazenê beşdarê kursê kirdkî bibê, ganî bi telefon, e-mail yan zî rasterast muracatê komela ZIWAN-KOMî bikerê.

No dewreyê kursî roja 20.08.2011 de dest pêkeno.

Seba muracatî: 

Telefon: 0 412 223 03 69

E-mail: newepel@hotmail.com, rlezgin@hotmail.com