03 Oktobre 2013 Panşeme 19:58

EŞQ BÊZIWAN O

Bedrîye Topaç

Asmên de aşme

Rîyê erdî de ez

Rîyê erdî de sewda

Sewdaya min a sûrela

Qîrîya min a lale veng dana

Veng dana daristanan

Veng dana awe

Veng dana aşme

Veng dana zerrîya to

Ez bi eşq xo şuwena

Aşme bi eşq şewl dana

Aşme yew guda adirî ya êdî

Asmên teng o aşme rê

Rîyê erdî mi rê

Aşme ginena awe ro

Aşme awe de veşena

Awe aşme de veşena

Ez veşena adir de

Erd û asmên veşayîş ra jîveno

No vengdayîş yê adirî yo

No veşayîş semedê eşqî yo

Emşo tena adir esto

Tena kile esta

Tena viranîya zerrîyan esta

Adir de eşq esto

Adir de keramet esto

Bê, pîya nê adirî de biveşîmê

Bê, pîya biçerexîmê na kila sûre de

Ez, ti, adir û eşq pîya biveşîmê

Bêveng û bêkes

Lal û kerr bimirîmê

Eşq bêziwan o

Bê, ziwanê eşqî de qisey bikerîmê

Na xebere 3931 rey wanîyaya

ŞÎROVEYÎ

Eşq Zıwane Kurdi yo

Aver Erzingan

Eşq zıwane ma Zazaki Kurdi der o.
Millete Kurdi eşq u romantizmi zıwane ma de azeno
Zıwane ma de beno xurt u cengaver

24 Oktobre 2013 Panşeme 21:23

EKE AZ AZENO,EZ ESTO!

Aver Erzingan

Ez yew çekuyeyî teklif keno.Ez fîkîrîyeno ke Zazakî de seba fîkîrîyayiş kare (verb) este Ancax no ke zıwane arapki u tırki ra ame zıwane ma .Coka ro ez sero no problem de "düşünmüş" bi .Nıka ez wazeno ke yew çekuye kare fikiriyayiş
şıma re teklif bıkeri. Mı "düşünmüş biyayen"e ya zi "fikiriyayene" zıwane Zazaki de hina vıraşt.
Mı zıwane pahlavi ra misal gerewt u no misal ra yew sentezi arde meydan.

Zıwane pahlavi de
Man – Ez , Mı
Menidan- Fikiriyayene,Düşünmüş biyayene.

Gore mı ra koke menidan zemire kesi yewine "Man" ra ame.
Coka mı no mîsal ra referans gerewt.Zazaki de no çekuye bi "EZ" ra irtibat beno. Ama Ez "EZ" Zazaki ra negırewt bîlakis Partkî ra gırewt.Partki ra "AZ" vatobi.Gore mı ra ke kare "fikiriyayene"yi re "AZ" koke raşti yo.Çunke hem hina deste ma de dı koki bene.Ma şenime hem koke "AZ" ra çekuye fikiriyayeneyi yani "Azayene" yahut "Azene" meydan re biyarime hem zi e bini "EZ" ra ke çekuyeyi aktuelî ke ne bi "EZ" ra yani bi zemire kesi yewine ra irtibat xo esto ,biare meydan.Yani gore mı ra ke ma şenime bi "AZ" ra fikiriyayiş,bi "EZ" ra tewir bi tewir çekuyeyi psikoloji,felsefe usn hasil bıkerime ,anime meydan.Hem zi bi çekuyeyi "AZ" ra ma çekuyeyi neweyi fikiriyayene re taybeti tarihi şenime bıdanime.

Aziş ez biyayiş o

....AZ (prt) -EZ....
Azayene/Azene -Fikiriyayene

azen-/aza,azed/azo/azobi/bıazene,bıazayene/ bıazeri
Ez azeno ke emserr ez do zıwan xo bımusneno
Tı azena/azeni
Ma azenime...
Gani ma biazerime
E şene nıka biazere
Azîş-Düşünme
Aziyayene
Aziyayiş
Aznayene
Aznayiş
Serazayene/Serazene-Hayellere dalmak
Tı nıka serazena
Tı vizer seraza/serazened/serazed.
Binazeyene-Bilincini kaybemek
Raaznayene-1.Yönlendirmek.2.Manüple etmek

E bini ra ke ....
....Ez-Ben....
Eziye-Benlik...usn

24 Oktobre 2013 Panşeme 18:19

Seba heme şîroveyan bitikne( 2 )