Evdilmelîk Firat şi rehmet
Zazakî.NET
Evdilmelîk Firat şi rehmet
Torinê Şêx Seîd Efendî sîyasetvano kurd Evdilmelîk Firat emrê xo yê 75 serreyî de ewro (29.09.2009) Anqara de şi rehmet.
Qijkekîya Evdilmelîk Firatî surgun de, mîyanê gelek zehmetîyan de vîyartebî. Reya verêne serra 1957 de sey namzedê Partîya Demokrate (DP) yê Adnan Menderesî Erzirom ra bi parlementer. Cuntaya 27ê gulana 1960 de tewqîf bi û serre û nîm girawa Yassiada de tepîşte mend. Mehkemekerdiş de cezaya îdamî ro ey birîya la dima tadîya cezaya hepsî û serre û nîm hepsxaneyê Qeyserî de mend. 1991 de Erzirom ra sey parlementerê partîya Silêman Demirelî DYP weçînîya la rîyê polîtîkaya hukmatî ya derheqê kurdan ra, ey DYP ra îstîfa kerd.
Demeyêk HADEP de gureya. Dima bi serekê HAK-PARî.
Evdilmelîk Firatî bi kurdkî, erebkî, tirkî, fariskî, îngilîzkî û fransizkî zanayne.
Wa Homa ey bi rehma xo şa biko û sereyê keye, merdim, embaz û dostanê ey û yê miletê kurdî weş bo.
Cinazaya Evdilmelîk Firatî roja 30.09.2009, çarşeme, saete 09.00 Anqara ra ard Xinûs, dewa Qolhîsarî. Roja 01.10.2009, panşeme, badê nimajê taştereyî, Qolhîsar de defn bi.
Fotografî: Haberdiyarbakir
Şîrove Bike
Yewna rê bişawe 
Prînter Bike
Acor
Hema di serre bi veregê dadîyê xo de surgun bi
Emrê ey esaretî û hepsi de viyertibi
Yew rocî zî çew rehetî nêdabi ci
Nê ma nê zî ê bîn ey hol fam kerd
Yew per va ti "bölici" yew per va ti "gerici"
Ey, vateyê xo ra qet nêgêrabi a, tim tîk vindertibi
Huma rehmê xo ci re war kero...
