EZ ÇEMODE BÊ DERYA YA

Her şono teynatîya mi bena xorî. Ez her paweyê vîyarena a ya. A her şona bena xorî. Ez çiqas ke manena welatê xo ra. Teynatîya welatê min a pilosîyaya vileyê mi ra. Teynatîya welatê mi na dinya de. Çira? Ez fam nêkena yan xo ra nêna fam kerdene. Jû welat se hondeyê gonî wazeno ke? Herra jû welatî se hondeyê têşana gonî bena ke? Çend serrî yo nêameya awdane? Dîcle û Ferat, Murad û Munzur kotî ra şonê? Qey ê, yê nê welatî nîyê? Qey ma ê nê welatî ra nêvecînê? Çimê înan nê welatî de nîyê? Çira? Çira?

Ziwanê xo tomete, herra xo tomete, asmênê xo tomete, domanan rê huyayîş tomete, eşq tomete….

Ma şitê nê welatî hertim qesîyênê? Çi tawo de ronî ra boya kinkorî nêna? Ma ron bê boya kinkorî êno werdene?

Biza kole çi tawo de dilet nîyana? Manga bore şit nêdana. Mîyê sûrî ber erzenê. Hero sîya remayo şîyo. Astorî bîyê êxte. Gayo zexel hêga de mendo. Kes ci ra nêvano ho birayê mi ho.

Ez çemode bê derya ya.

Fetelîna fetelîna deryayêk ke biresî ci çin a.

Ez çem o, xo ser de şona. Herra têşane mi oncena xo. Cayê mi nika zup û ziwa wo. Xîçê min ê ke linganê şima ra şorê çin ê. Ma xîçê verê kamcîn awe tûj ê ke? Xîçê kamcîn çemî? Şima ez kîşta, ax şima. Kesê bînî nê, şima…

Gucîge 2012