FÎHRÎSTÊ 8 HÛMARANÊ ŞEWÇILA
Hûmara yewine ya kovara edebî hunerî Şewçila adara 2011î de weşanîya. Hetanî ewro bi hawayêko perîyodîk heşt hûmarî weşanîyaya.
Nê heşt hûmaran de 4 ci ra tercume 87 tene şîîrî, 10 ci ra tercume 74 hîkayeyî, 12 ceribnayîşê edebî, 10 nuşteyê cigêrayîşî yê warê edebî de, ancî 9 hebî nuşteyê analîzî yê edebî, 3 roportajî, 2 daşinasnayîşê eseranê edebî, 1 xebera hunerî, 1 sanike û 1 zî mesaj, pêro pîya 200 eserî weşanîyayê.
Nê heşt hûmaranê Şewçila de 10 cinî 64 camêrd, pêro pîya 74 kesan nuşto. Nê nuştoxan ra 15 tene tercume yê, ê bînan bîzat kovare rê nuşto. Qismêko muhîm yê nê nuştoxan reya verêne Şewçila de dest bi edebîyat kerdo.
Fîhrîst de nuşteyê her hûmare bi hawayêko kronolojîk cîya-cîya ameyê rêzkerdiş. Eserî zî, sere de nameyê nuştox yan nuştoxe nusîyayo, dima sernameyê eserî bi hawayêko îtalîk nusîyayo, kîşta sernameyî de mîyanê parantezî de tewirê eserî nusîyayo, vajîme sey (şîîre, hîkaye, ceribnayîş, cigêrayîş ûsn.), dima bi reqeme hûmara Şewçila ke eser tede weşanîyayo û badê nê îşaretî (/) zî rîpelê ke eser tede yo, nusîyayo.
Roşan Lezgîn
Dîyarbekir, 05.03.2013
Şîrove Bike
Yewna rê bişawe 
Prînter Bike
Acor
