Hûmara 12. ya Rojnameyê Newepelî Vejîya

Hûmara 12. ya rojnameyê Newepelî vejîya.

Bi na hûmare tam bî şeş mengî ke rojnameyê yewin yê kirdkî weşana xo dewam keno.

NEWEPEL safî bi kirmanckî (kirdkî, zazakî, dimilkî) yo û hetê Komela Ziwan Huner û Kulturî ZIWAN-KOMî ra Dîyarbekir de vejîyeno.

Her ke şino rojname hetê muhtewa û kalîteyî ra aver şino. Bî hîrê hûmarî ke karîkaturê kirdaneyî tede weşanîyenê. Hûmara 12. ra pey zî do hertim yew xaçepers (bulmaca) tede ca bigîro. Roje bi roje nuştoxê kirdkî zêdîyenî la warê vilakerdiş û madî de rojname tengane de yo.

Hewceyîya rojnameyê Newepelî her şaristan û welatê dinya de, bitaybetî zî şaristan, qeza û beldeyanê welatî de bi temsîlkar û vilakerdoxan esta.

Seba ke rojname tena bi lebata di-hîrê heskerdoxanê kirdkî vejîyeno, hetê madî ra zî hewceyîya rojnameyî bi sponsoran esta.

Eke warê madî û hetê vilakerdişî ra problemê rojnameyî hel nêbê, beno ke rojname nêeşko weşana xo dewam bikero.

Ma hêvîdar ê ke wayîrê kirdkî, kesê ke vanê ziwanê ma nasnameyê ma yo, bibê abone. Ê ke eşkenê bibê temsîlkar û rojnameyî şaristan, qeza yan zî beldeyê xo de vila bikerê, kesê ke hetê madî ra îmkanê înan esto, bi hawayêk wayîrîya Newepelî bikerî.

Merkezê ke rojname tede roşîyeno:

DÎYARBEKIR:

1 - Lise Cd. 2. Sk. Adalet apt. Kat: 1 No: 3 Yenişehir
2- Avesta Kitabevi: Ekinciler Cad. Nurlan Apt. Zemin Kat, Ofis

3- Avaşîn Kafe, Kuçeyê Hunerî, kîşta marketê Carrefourî, Ofis

4- Aydın Kitap Kırtasiye: Polis Loj. Karşısı, Mega Center Yanı, Bağlar

5- Ensar Kitabevi: Hasan Paşa Hanı, Dağkapı
6- Kafka Kitabevi: Lise caddesi (ZGL karşısı), Yenişehir

7- Bufeyê Rojnameroşan (Gazete Büfeleri): Berê Koyî (Dağkapı), Yenişehir, Ofis

8- Buroyê Nûbiharî

HÊNI (HANİ): Eğitim Kitap Kırtasiye, Hani

GÊL (EĞİL): Polat Kırtasiye

ÇEWLÎG (BİNGÖL): Bilgi Kitabevi

DÊRSIM: Belediye Kulturevi