Hûmara 15. ya Newepelî Vejîya

Hûmara 15. ya rojnameyê Newepelî bi muhtewayêka dewlemende vejîya.

Nuşteyê edîtorî yê na hûmare de yeno vatene ke “weşanîyayîşê rojnameyê Newepelî reyde roje bi roje nuştoxê kirdkî zêdîyenê. Hema vajîn ke her hûmare de yew-di kesî newe dest pêkenê nusenê. Mesela, nê 15 hûmaran de roportajan ra teber 54 kesan nuşto. Nînan ra tewr tay 30 merdiman reya verêne Newepelî de dest bi nuştiş kerdo. Û çîyo muhîm, qismêko zaf muhîm yê nê kesan nuştiş de dewam kenê û zafê nuştoxanê neweyan ciwan ê; wendekarê lîse yan unîversîte yê. (…)

Kesê ke hetanî nika 15 hûmaranê Newepelî de nuşto, nê yê:

Ahmed KIRKAN, Ayhan SARIGOL, Bawer XEBAT, Bedrîye TOPAÇ, Berxwedar PÎRANIJ, Bîlal ZÎLAN, Cemal AZIJ, Deniz Dilar PÎREJMANIJ, Dogan KARASU, Duzgun AXDAT, Ehmedê DIRIHÎ, Ehmedê XASÎ, Elîyê QASIMÛN, Emîne GUZEL, Enwer YILMAZ, Erdal DEMIR, Esra ALTUN, Ezîz DERDAN, Hesê BELÊ, Hesenî GIRAN, Huseyîn ÇAKAN, Îsmaîl GUVEN, Mahîr DOGAN, MALMÎSANIJ, Mehmed SEYÎTALÎOGLU, Mehmed YERGÎN, Menaf MUTLU, Meqsed MUQRÎYANÎ, Mistefa GOMAYIJ, Mistefa KARADAGLI, Mistefa ŞAHÎN, Murad BAKUDAN, Murad CANŞAD, Mutlu CAN, Nadîre G. ALDATMAZ, Netîce ALTUN, Newzat ANUK, Newzat VALÊRIJ, Nûrî KELEŞ, Pişar XANÇUKIJ, Remezan YALINKAYA, Rindê BECERÎKLÎ, Rohelat AKTULUM, Roşan LEZGÎN, Sebahedîn Ozan ASLAN, Serdar BEDIRXAN, Seyîdxan KURIJ, Sînan SUTPAK, Umer Farûq ERSOZ, Wehdet SÎWANIJ, Weysel HANYILDIZ, Wisivê MURTÎ, Xurşîd MÎRZENGÎ û Zerrweş XODÎ. Ganî merdim nameyê Mucahîd BARANî zî zikr bikero ke ey zî bi karîkaturanê xo reng da rojnameyê ma.”

Nê tespîtî ra zî aseno ke aktuelkerdişê kirdkî de tesîrê rojnameyî zaf muhîm o. Rojnameyê Newepelî nê emrê xo yê kilmekî yê hewt aşman de serkewtişêko muhîm qezenc kerdo. Seke nuşteyê edîtorî de zî behs beno, “rojname sey kitab û kovaran nîyo. Rojname, eynî sey radyo û televîzyonî xîtabê şêligê şarî keno. Şiwaneyî ra bigîre hetanî bi profesorî her kes, her tebeqeyê şarî, her kategorîya cematî rojname teqîb kenê.”

“Rojname hetê ziwanî ra, hetê fikrî ra, hetê edebîyat, huner û kulturî ra, hetê milîyetî ra, xulasa her hetan ra wendoxanê xo zanayîş û hîsanê muşterekan de pêresneno. Eynî sey mektebêk o.”

Hûmara 15. ya rojnameyî de di roportajî weşanîyayê. Roportajo verên Seyîdxan Kurijî muzîsyena kirdan Mizgîn KILIÇ reyde kerdo. Mizgîne derheqê cuya xo û xebata xo ya hunerî de melumatanê muhîman dana. Roportajo diyîn zî Roşan LEZGÎNî derheqê sihet û nêweşîyê cinîyan de Doç. Dr. Ehmed YALINKAYAyî reyde kerdo.

Hewna nuşteyê Murad CANŞAD, Umer Farûq ERSOZ, Sînan SUTPAK, Huseyîn ÇAKAN û Emîne GUZEL, şîîra Bedrîye TOPAÇ û gelek xeberê muhîmî yê derheqê averşîyayîşê ziwanê kurdkî de, xaçepers, ferhengek û çîyanê bînan tede ca girewto.

Merkezê ke rojname tede roşîyeno:

DÎYARBEKIR:

1- Lise Cd. 2. Sk. Adalet apt. Kat: 1 No: 3 Yenişehir / Diyarbakır

2- Avesta Kitabevi: Ekinciler Cad. Nurlan Apt. Zemin Kat Ofis

3- Avaşîn Kafe, Kuçeyê Hunerî, kîşta marketê Carrefourî, Ofîse

4- Aydın Kitap Kırtasiye: Polis Loj. Karşısı, Mega Center Yanı, Bağlar

5- Ensar Kitabevi: Hasan Paşa Hanı, Dağkapı
6- Kafka Kitabevi: Lise caddesi (ZGL karşısı), Yenişehir

7- Bufeyê Rojnameroşan (Gazete Büfeleri): Berê Koyî (Dağkapı), Yenişehir, Ofis

HÊNI (HANİ): Eğitim Kitap Kırtasiye, Hani

PÎRAN (DİCLE):

GÊL (EĞİL): Polat Kırtasiye

ÇERMÛGE (ÇERMİK):