Hûmara 22. ya Newepelî Vejîya

Hûmara 22. ya rojnameyê kulturî yê 15 roje Newepelî ke Dîyarbekir de hetê komela Ziwan-Komî ra safî bi kirdkî weşanîyeno vejîya.

Na hûmare de Hesen Çakirî muzîsyenê kirdan Mucahîd Gokerî reyde yew roportaj kerdo. Mucahît Goker roportaj de hem qalê xebata xoya muzîkî keno hem zî derheqê rewşa muzîkê kirdan û lehçeya kirdkî de fikrê xo vano.

Na hûmare de nuşteyêko erjaye yê Bîlal Zîlanî esto ke derheqê rewşa kurdanê zazayan ke verêna Urdun de ciwîyenê melumatanê muhîman dano.

Ancî na hûmare de nuşteyêko tarîxî esto ke Şêx Evdirehîmî serranê 1930an de lehçeya mukrî ra tercumeyê kirdkî kerdo.

Na hûmare de Murad Canşad, Huseyîn Çakan, Sebahedîn Ozan Aslan, Mistefa Şahîn û Lezgîn Gozenî nuşteyî nuştê. Alî Beytaş û Cemal Azijî zî bi şîîranê xo na hûmare de ca girewto.

Nînan ra teber, vateyê verênan, gelek xeberê muhîmî, xaçepers û nuşteyê edîtorî bale ancenê.

Newepel biwanîn, bidîn wendiş. Newepelî rê wayîr vejîn…

Merkezê ke rojname tede roşîyeno:

DÎYARBEKIR:

1- Lise Cd. 2. Sk. Adalet apt. Kat: 1 No: 3 Yenişehir / Diyarbakır

2- Avesta Kitabevi: Ekinciler Cad. Nurlan Apt. Zemin Kat Ofis

3- Avaşîn Kafe, Kuçeyê Hunerî, kîşta marketê Carrefourî, Ofîse

4- Aydın Kitap Kırtasiye: Polis Loj. Karşısı, Mega Center Yanı, Bağlar

5- Ensar Kitabevi: Hasan Paşa Hanı, Dağkapı
6- Kafka Kitabevi: Lise caddesi (ZGL karşısı), Yenişehir

7- Bufeyê Rojnameroşan (Gazete Büfeleri): Berê Koyî (Dağkapı), Yenişehir, Ofis

ÇEWLÎG (BİNGÖL): Kafe Cê Ma

BONGILANE (SOLHAN): Tunç Kırtasiye, Yeni Mah. Erbakan Cad. No 28/A