Hûmara 39. ya Vateyî Vejîya

Hûmara 39. ya kovara Vateyî ke hetê Grûba Xebate ya Vateyî ra amade bena vejîya.

Na hûmare de netîceyê kombîyayîşê 21. yê Grûba Xebate ya Vateyî ke Çewlîg de virazîyabi, weşanîyayo.

Munzur Çemî bi sernameyê “Kirmanckîya Dêrsimî de Temaya Dînî” ke dewamê xo esto û bi sernameyê “Dêrsim de Des Rojî” di nuşteyî nuştê. Îsmet Sîvereklî bi sernameyê “Armenîyê Sêwregi” yew nuşte nuşto. Seyîdxan Kurijî hem deyîrbaze Şengul Palanli reyde roportaj kerdo hem zî bi nameyê “Grev” yew vîrardiş-hîkaye weşanaya.

Nuştoxanê cinîyan ra Bedrîye Topaç bi sernameyê “Rayverê Mi” yew nuşte, Nadîre Guntaş Aldatmaz zî bi nameyê “Hewnê Dewrêşî” yew hîkaye weşanaya. Ancî Deniz Gunduz, Under Çarkal, M. Arîf Ayçiçek, Îdrîs Sekarî û M. Farunî zî şîîrê xo tede werşanayê.