Hûmara 48. ya Newepelî Vejîya

Hûmara 48. ya Newepelî vejîya. Bi na hûmare Newepelî di serrê xo temam kerdî.

Mîyanê nê di serran de heme hûmarê Newepelî wextê xo de, bê ke yew hûmare seqet bibo, roja xo de vejîyayî.

Roportajê na hûmare derheqê weşanê bi kiğrdkî yê radyoyan de yo. C. Z. Pîranij behsê xebata xo ya radyoyan keno ke serranê 1995 ra nat Îstanbul de tayê radoyayn de programê kirdkî viraştêne. Ancî Seyîdxan Kurijî zî na babete ser o yew nuşte nuşto û tede behsê Almanya de weşanê kirdkî yê radyoyan de keno.

Nuştoxanê neweyan yê na hûmare ra Hêlîn Anter yew hîkayeya kilmeke nuşta, Mesûd Yeşîlkayayî zî mintiqaya Qowancîyan ra yew kayê tutan nuşta.

Muhamed Deza Baturî badê şîîran dest bi nuştişê nesrî kerdo û reya verêne bi sernameyê “Çekuyê Ziwanê Mi” yew nuşte nuşto.

Sanayî Karakoç, Îsmet Bor û Nadîre Guntaş Aldatmaz, her yewî yew sanike arêdaya. Mehemed Çelîktenî mintiqaya Şankuşî ra çibenokî arêdayê. Hacer Petekkaya û Nûrî Keleşî her yewî yew şîîre nuşta. Sevîm Aydin û Saîd Baksî yew deyîre nuşta, Mucahîd Gokerî sey deyîranê bînan notayê na deyîre viraştê. Sey her hûmare ancî Ehmedê Dirihî nameyê vaş û vilikan nuştê.

Nînan ra teber, nuşteyê edîtorî de ‘terîfê nasnameya komelkî’ munaqeşe beno. Sey hûmaranê bînan xaçepers û gelêk xeberî na hûmare de zî ca gênê.

Newepel kuwariyê folklorê ma yo; warê kulturê wendiş û nuştişê ma yo.

Newepel biwanîn, bidîn wendiş. Newepel vengê ma yo, rengê ma yo.