KES QALÊ MI KEN?

Yo pîr û laj xwu bên. Laj zaf fedekar o, rasen ardîm her kesî la kes qedir qîymet ci nîyedûn.

Rûejek ho ver yo rîtamî ra vîyeren, ûniyen ci, eg' her yo merdim gino rîtamî ro. Şin mîyerik îr ardim ken, her yi rîtam ra vejen.

Şûnd şin keye, dadîye xwu ra pers ken vûn "Day, eyr kes qalê mi kerd?" Dadîye yi vûna "Lawê m, kûm qalê feqîrûn sey ma ken?"

Rûeja bîn lajek hewna ho cayêk ra vîyaran ra, ûnîyen ci, eg' axay' dewe astûwer ra gino erd ro, dest lîng şikîye. Şin axay îr ardim ken, ben hekîm het. Xo xo vûn, wullay eyr tesîl dewîj qalê mi kên.

Şûnd şin keye, hewna dadîye xwu ra pers ken vûn "Day, eyr kes qalê mi kerd?" Dadîye yi hewna vûna "Lawê m' kûm qalê feqîrûn sey ma ken?"

Têna yo yenê dew est, her kes ûja ra awk ben şimen.

Lajek rûeja bîn şin gî xwu ken zerê yenî. Kûm ig yen awk ber, ûnîyen ci, gî ho zerê yenî d'. Pers ken vûn "Kûm gî kerd zerê yenî?" Vûn "Lajî pîr gî kerd zerê yenî!" Vûn "Homa belay laj pîr bid…"

 A rûej dew id hetûn şûnd qal qalê lajî pîr a. Her kes vûn "Lajî pîr gî kerd zerê yenî, Homa bela piryê d'."

Laj pîr şund şin keye, dadîye xwu ra pers ken vûn "Day, eyr kes qalê mi kerd?"

Dadîye yi vûna "Wullay lajê m, eyr mila qal zerê dew id' qalê ti û gî ti bî. Sitîn serrî beynati ra şîyêr, ina dew ti û gî ti xwu vîr ra nîkena!..."