Konferansê Edebîyatê Kurdkî Organize Beno
Merkezê Cigêrayîşê Ziwan û Edebîyatê Kurdkî yê Unîversîteyê Sine yê Kurdîstanî (Kurdîstanê Rojhelatî) konferansêk virazeno. Pisporê edebîyatê kurdkî şênê bi cigêrayîşanê xo beşdarê nê konferansî bibê. Ma cêr ra derheqê konferansî de malumatê Unîversîteyê Sine yê Kurdîstanî neql kenê.
Edebîyatê Kurdkî Ser o Konferansê Yewin yê Edebîyatê Kurdkî
1.Derheqê Konferansî de
Edebîyatê kurdkî zaf qîyame û serecêran ra vîyarto. Eke ma destpêkê edebîyatê kurdkî yê badê îslamî lehçeya soranî û kurdanê yaresanan ra bizanin, a gama ma şênê seserra hîrine (hîcrî) ke zaf şîîrê lehçeya gorankî na seserra ra mendê, sey dewrê destpêkê edebîyatê kurdkî nîşan bikerin. Labelê dewr û wextanê cîyayan de şaîr û nuştoxê lehçeyanê bînan yê sey hewramkî, kurdkîya Bakûrî û kurdkîya cêrine de bi rolê ziwanê standardî lebtîyay. Edebîyatê kurdkî dewranê verinan de kewto binê tesîrê zafê ekol û hereketanê roşinbîrî û dînî. Hewna, dayîş û girewtişê ey bi edebîyatê welatanê cîranan reyde zî estbîyo. Bi no hawa edebîyatê kurdkî verê xo dayo rayîr û dirbanê newe û cîyayan. Coka nê hetê ke ma qal kerdî û gelek çîyanê bînan bîy sedem ke ma destpêk ra hetanî ewro averşîyayîş û tekamulê edebîyatê kurdkî ser o konferansêk organîze bikin. Ma hêvîdar ê ke no konferans seba îstîqbalî bibo sedemê lebatanê bingeyînan û edebîyatê kurdkî bi roşnîya fikr û awiranê cîyayan tehlîl bibo.
2.Amancê Konferansî
- Daşinasnayîşê hetanê cîyayan yê edebîyatê kurdkî
- Daşinasnayîşê faktoranê ke tesîrê xo ro stîl û tewiranê cîyayan yê edebîyatê kurdkî kerdo
- Cigêrayîşê merheleyanê tarîxî yê edebîyatê kurdkî
- Cigêrayîşê sewîyeyê tesîrê mîyanê edebîyatê kurdkî û edebîyatê welatanê cîranan de
3.Babetê Konferansî
- Foklor
- Edebîyatê kurdkî de çeşnê edebî
- Cigêrayîşê tarîxê edebîyatê kurdkî
- Edebîyatê kurdkî de stîlê vilabîyayey
- Edebîyatê kurdkî yê nuştekî de rewş û para lehçeyanê kurdkî
- Dayîş û girewtişê mîyanê edebîyatê kurdkî û edebîyatê neteweyanê bînan de
- Têkilîya mîyanê edebîyatê kurdkî û qesrê mîrekanê kurdan de
- Edebîyatê kurdkî de kafîye û arûz
- Wezîfe û mesûlîyetê kulturî û cematkî yê edebîyatê kurdkî
- Warê tarîxê edebîyatê kurdkî de rexnekerdişê çimeyan
- Edebîyatê domanan
- Edebîyatê kurdkî û ziwano standard
- Edebîyatê kurdkî de qaydeyê edebî
- Destnuşteşinasî û destnuşteyê kurdkî
- Edebîyatê kurdkî ser o sewîyeyê tesîrê ekolanê fikrî yê îslamî (sofîtîye; îrfan, kelam, fiqh, felsefe…)
4.Usilê Meqaleyan
Heme meqaleyî ganî goreyê qaydeyanê meqalenuştişîya akademîke (xulasaya meqale, sernameyê serekeyî, destpêk, babete, netîce) bîyerê nuştiş. Rîpelêkê cîyayî de ganî malumatê derheqê nuştoxî yan nuştoxan (nameyê nuştox yan nuştoxan, kar, rutbeya akademîke, eserê weşanîyayey, e-mail û adresa posta) de bîyerê nuştiş.
5.Qonaxê weçînayîş û qerardayîşî
Meqaleyê ke resenê bi sekreterîya konferansî do goreyê babetan ra seba hekeman bîyerê pêşkêşkerdiş. Qebulkerdiş do bi qerarê hekeman garantî bibo. Hetanî temambîyayîşê qonaxê weçînayîşî malumatê nuştoxan hekeman rê nênê eşkerakerdiş.
6.Tarîxê Muhîmî
Beyakerdişê konferansî: 07 teşrîne 2009
Seba şawitişê xulaseya meqaleyan roja peyêne: 20 kanûne 2009
Seba şawitişê meqaleyan roja peyêne: 20 edare 2010
Wext û cayê konferansî: 05-06 gulane 2010 Fakulteyê Edebîyat û Zanistê Însanî yê Unîversîteyê Kurdîstanî – Sine
Îderekerdox: Merkezê Cigêrayîşanê Ziwan û Edebîyatê Kurdkî yê Unîversîteyê Kurdîstanî
Ziwanê Konferansî: Kurdkî û fariskî
Keyepelê konferansî: www.uok.ac.ir/kurdlit û www.kurdlit.ir
7.Weşanayîşê meqaleyan
Xulasaya meqaleyê ke qebul bîyê do keyepelê înternetî yê Unîversîteyê Kurdîstanî de, meqaleyê ke qebul bîyê zî kitabê konferansî de bîyerê weşanayîş.
8.Komîsyonê Zansitî
Abdulah Resûlnîjad, mamosteyê Unîversîteyê Kurdistanî
Bextîyar Secadî, mamosteyê Unîversîteyê Kurdistanî
Cemal Ehmedî, mamosteyê Unîversîteyê Îslamî yo Azad yê Sine
Cemîl Ceferî, mamosteyê Unîversîteyê Kurdistanî
Ednan Berzencî, cigêrayoxê edebiyatê kurdkî
Es’ed Şeyxehmedî, mamosteyê Unîversîteyê Kurdistanî
Hadî Rêzwan, mamosteyê Unîversîteyê Kurdistanî
Hadî Yusifî, mamosteyê Unîversîteyê Peyamê Nûrî yê Kurdistanî
Hesen Serbaz, mamosteyê Unîversîteyê Kurdistanî
Mecîd Merdux Ruhanî, cigêrayoxê ziwan û edebiyatê kurdkî
Mehemed Îranî, mamostayê Unîversîteyê Kurdistanî
Mehemed Xalid Xefarî, mamosteyê Unîversîteyê Îslamî yo Azad yê Sine
Mensur Rehmanî, cigêraypxê ziwanê kurdkî
Muhsîn Pêşwayî, mamosteyê Unîversîteyê Kurdistanî
Newîd Neqşbendî, mamosteyê Unîversîteyê Kurdistanî
Rehîm Loqmanî, cigêrayoxê edebiyatê kurdkî
Salih Edîbî, mamostayê Unîversîteya Kurdistanî
Seyîd Ehmed Parsa, mamosteyê Unîversîteyê Kurdistanî
Sekreterê zanistî yê konferansî: Necmeddîn Cebarî, mamosteyê Unîversîteyê Kurdistanî
Sekreterê îdarekerdişê konferansî: Abdulah Resûlnîjad, mamosteyê Unîversîteyê Kurdistanî
9.Dezgeyê ke Hektarîye Kenê
- Unîversîteyê Peyamê Nûrî yê Kurdistanî
- Unîversîteyê Îslamî yo Azad yê Sine
- Îdarekerdoxîya Umûmî yê Kultur û Îrşadê Îslamî yê Kurdistanî
- Beledîyeyê Sine
- Hewza Hunerî yê Rêxistina Teblîxatê Îslamî
10.Adrese
Unîversîteyê Kurdistanî, Senendej, P.O.Box: 416, Îran
Fax: +(98)871 6624007
e-mail: KurdLit@uok.ac.ir
NOT: Seba malumat û agahîyan lînkanê cêrinan bitikne.
Şîrove Bike
Yewna rê bişawe 
Prînter Bike
Acor
