Lebate û Bêhêvîyîye

Ma rey-rey embazanî xo dir teraqe kenî, yew embazî ma na teraqe di yew qal vano, ina qal weşî ma wa şina. Ha lebate û hêvî zî sey nê qalan a. Inî qalî zî goşî ma rê zaf weş yenî, ma inî qalan ra hes kenî.

Ma lebate û hêvî biyarî yew ca zaf çîyêko rind vejîyeno orte. Wexto ke xayeyê yew însanî bibo, gereka semedê nê xayeyî ya hêvêrî lebate û hêvî bibo. Semedê lebate û hêvî ya zî gereka bawerîyê însanî bibo. Inî hîrê qaydeyî bîyerî yew ca, serkewtiş vejîyeno orte.

La inî qaydeyî çîn bê, bawerîyê însanî bi xo çîn bo, ina dolime zî bêhêvîyê yena meydan. Senî ma vatibi lebate û hêvî goşî ma rê weş yena, la bêhêvîyê zî goşî ma rê xirab yena. No semed ra ma her wext gereka zereyê yew lebate di bi. Eke ma kurdan ra vanê ziwanê şima beno vîn, xayeyê ma wahar vecîyayişî ziwanî ma wo. Ma semedê ziwanî xo ya lebate anî orte, semedê xelasîyê ziwanî ma hêvîyê ma esta. Semed înan a zî bawerîyê ma zî esta. Ma inî hîrê qaydeyî ardî orte. Şima zî zanî ke ma kurdan rikinêyî ma ser nê qeydayanî zî, rikê xo zî bîyar qet bêhêvîyîye nimanena. No semed ra şarî ma her ca di pê ziwanê xo qisey bikero, keye di zî, mîyanê embazenî xo di zî, lebatê xo zî cameverdî, wa tim hêvîyê yinî bibo, bawerîyê xo vîndî mekerî.*

__________

*No nuşte, "Newepel, Rojnameyo Kulturî, Hûmare 81, Diyarbekir, Teşrîna peyêne 2015, r. 5" de weşanîyayo. 

YASAL UYARI: www.zazaki.net kaynağında yayınlanmış herhangi bir haber, yazı veya fotoğrafın site editöründen izin alınmadan olduğu gibi kopyalanarak ya da üzerinde çeşitli oynamalar yapılarak herhangi bir yerde yayınlanması; farklı çalışmalarda alıntı olarak kullanmak amacıyla cümle veya paragrafların kopyalanmasında ise standart bir şekilde kaynak belirtilmemesi durumunda hukuki süreç başlatılacaktır!