Nameyê Ca û Şêngehanê Kurdan Apey Gêrîyenê

Komîteyê tetbîqkerdişê madeya 140. yê qanûnê bingehînî yê Îraqî qerarêko muhîm girewt. Nameyê mintiqa, ca û şêngehanê kurdan ke zemanê rejîmê Beasî de vurnîyabîy erebkî, do nameyê înan ê kurdkî bêrê îade kerdene. Komîteyê tetbîqkerdişê madeya 140. qerarê destpêkerdişê xebata xo bi belgeyêka resmî pêşkêşê walîtîya Kerkûkî kerd.

Bi no qayde nameyê mintiqa, ca û şêngehanê kurdan ke zemanê rejîmê Beasî de vurnîyabîy erebkî, do hewna bi nameyanê kurdkî bêrê name kerdene. Karbidestan da zanayene ke do demêko tewr nêzdî de dest bi tetbîqkerdişê qerarî bibo.

Aqubet bi sereyê parçeyanê Kurdîstanî yê bînan bo.