Seba Weqfa Beşîkçî Werdê Piştgirîye

Weqfa Îsmaîl Beşîkçî seba akerdişê şaxê xo yê Dîyarbekirî werdê piştgirîye tertîb kena.

Werdo ke do roja 26 Çele (Ocak) 2014, Yewşeme, Saete 19:00 de, Lîluz Otel de biwerîyo, Îsmaîl Beşîkçî û îdareyê Weqfe zî do uca amade bê. Dengbêj û muzîsyenî zî do bi beşdarîya xo şênayî geş bikerê.

Weqfa Îsmaîl Beşîkçî par Dîyarbekir de, peyê Hemamê Mêrgahmedî de ke Qesra Cemîl Paşayî û Keyeyê Dengbêjan zî uca yê, yew banê Dîyarbekirî erînabi. Bi ameyeyê ke werdê piştgirîye ra bêro, do dest bi restorekerdişê nê banî bibo. Badê ke restorasyon temam bibo, hem do banêko restorekerde ro Dîyarbekirî bizêdîyo hem zî do no ban seba xurtkerdişê nasnameyê kurdî, ancî seba averberdişê kultur, huner û edebîyatê kurdan mazûbanîye bikero.

Beşdarbîyayîşê seba werdê piştgirîye bi “kartê wesênayîşî” beno.

Her karte 250 TL ya.

Seba temînkerdişê karta wesênayîşî telefon: 0532 256 48 09 (Ahmed Kanî)

Komîteya tertîbkerdişê werdê piştgirîye hêvîdar a ke, çi kesê heskerdoxê Îsmaîl Beşîkçî yê, beşdarê werdî bê.