awa feratî şina...

awa feratî şina

şêxê min şi

mîrê min şi

awa feratî şina

qicêko diserre mîrê min o

vagona trêna tirkan de surgun o

xinûs ra surgunê dewêka tirkan o

mîrê min torinê şêxê pîlî yo

o yew zerrîciwan o dîyarbekir de

serberz o verê sêdara tirkan de

generalê tirkan rêz bîyê

hêvîya xatirwaştişê zerrpola yê

şêxê min xortêko ciwan o

torinê ma do heyfa ma bigîrê, vano

mîrê min hema qic o

verê berî de kaykeno

trêne leqena, vagonî leqenê

rayîr dûrî yo

serd o

yew baz paca ra aseno

mîrê min huyeno

vano

biewnîye, yew baz, dayê

gelo ma nika ça yê

trêne şina

ver bi xerîbîye şina

rayîr dûrî yo

mîrê min qic o

mîrê min hewn vîneno

hewnê xo de bazî vîneno

mîrê min xatir waşt vizêrî

va,

wext o

lazim o

ez hendî şirî

bi edeb û fikir bî

bêrîya bazê xo kerdebî

nika verê bazê xo de yo

kîşta bazî de pereno

pîya ewnênê milkê xo ra

pîya ewnênê milkê ma ra

şêxê min xatir waşt

mîrê min xatir waşt

tûtêko qic verê berî de kaykeno

trêne leqena

vagone leqena

ver bi xerîbîye şina

awa feratî şina

Swêd, 30 êlule 2009 çarşeme