Nameyê Mehla, Dew û Mezrayanê Palî

Pali (Palu) qezaya Xarpêtî ya. Hetê rojhelatî de Xarpêt ra 76 km dûrî yo. Dewê Palî ke sey muxtarî hesibîyênê 36 heb ê. Nînan ra Nacaran (Baltaşı) û Wun (Beyhan) nehîye yê. Mezrayê Palî yê ke tesbît bîy 30 heb ê.

Dewanê Palî ra tena yew dewe (Seydîyan) tirkman ê û bi tirkî qisey kenê, sewbîna, hemeyê mintiqa bi zazakî (kirmanckî, kirdkî) qisey kena la merkezê Palî de kurmanckî û tirkî zî yenê qiseykerdiş.

Tesbîtkerdişê nameyan de Xezala Şarikî, Mehemed Uzun (bi wasitaya Mehemed Uzunî Harun Turgut, Nafîz Koç, Şêx Mehmud û Gawanê Welatî) û çend kesê ke bi eslê xo şarê Pali yê la Dîyarbekir de wezîfedar ê û nêwaşt ke nameyê înan binusîyo, ma rê ardim kerd.

Zafê nameyan ma bi formê standardî nuştîy la ma formê mehelî zî mîyanê parantezî de nuştîy. Nameyê makî bi (m), nêrkî bi (n) îşaret bîyê. Nameyê ke ma cinsîyetê înan ra emîn nêbîy ma veng verday.

Seba tabloyê nameyan bitikne>>>