Prensîbê Weşane
Prensîbê Umûmî
- Exlaqê umûmî, edetanê neteweyî û manewîyan rê bêhurmetî nêkerdiş;
- Hîsê negatîfî yê sey bêmoralî, bêhêvîtî, anarşî, kaos, ters, şîdet û êrîşkarîye vila nêkerdiş;
- Teberê qayde û sînoranê rexneyî de kesî yan zî manewîyatê kesî nêşikitiş, fikr, bawerî û mîlîyetê kesî rê heqaret nêkerdiş;
- Heqê cewabdayîş, tekzîbkerdiş û rastkerdişî rê bi hawayêko demokratîk rîayet kerdiş;
- Xeberê ke tehqîqkerdişê înan çarçewaya pirensîbanê meslekî yê çapemenîyê de mumkin o, bê ke tehqîq bibê û rastîya înan ra tam bawerî virazîyo, nêweşanayîş;
- Malumatê ke eşkerakerdişê înan nêwazîyeno, hetanî ke faydeyêko zaf ciddî yê rayaumûmî tede çin bo, nêweşanayîş;
- Arêdayîş, weçînayîş, weşanayîş û vilabîyayîşê xeberan de prensîbanê bêterefî, rastî û lezgînîye rê rîayet kerdiş, hewna, pêşkêşkerdişê xeberan de metodanê standardan û teknîkê modernî bikarardiş;
- Seba ke rayaumûmî bi hawayêko tendurist û bi serbestîye organîze bibo, babetê ke rayaumûmî eleqedar kenê, qasê îmkananê xo ra û qaso ke qîm bikero weşane kerdiş, hewna, tu kes, partî yan grûbanê sîyasîyan yan zî dezgeyanê menfîetî rê, grûbanê fikrî û bawerîyan rê xo alet nêkerdiş;
- Hetanî ke hetê organanê dadgehe ra sucdarîya kesî îsbat nêbo, tu kesî sucdar îlan nêkerdiş;
- Hetê nîjadî, cinsî, sewîyeya sosyalî yan têkilîye ra, bawerîya dînî yan zî qusûranê fîzîkî ra tu kesî rencîde û tehqîr nêkerdiş;
- Weşana ke fikr, wijdan, azadî û azadîya xo îfadekerdişî bi sînor kena, yan qaydeyanê exlaqê umûmî, hîsanê neteweyî û dînî, bingeyê dezgeyê aîleyî rijnena, nêkerdiş, prensîbê Zazakî.Net yê weşane yê.
Prensîbê Taybetî
- Nuşteyê ke goreyê alfabeya standarde ya kurdkî nênusîyayê, yan goreyê îmla û rastnuştişê kirmanckî (zazakî) nênusîyayê, nêweşanayîş;
- Nuşte û xeberê ke teberê krîteranê umûmî yê nuştişî de nusîyayê, yan sewîyeya înan basîte bo, nêweşanayîş prensîbê Zazakî.Net yê weşane yê.
