Çeko

Çeko 1954 de dewa Gimgimî Gestemerde de maya xo ra bî. Mektebo verên dewa xo de, mektebê malimîye kî Wan de qedêno. 1975 de qedênayena mektebê malimîye ra tepîya, panc serrî Gimgim de malimîya mektebê verênî kerde. 1980 ra nat Almanya de ciwîyêno.

Kovar û rojnameyanê kirmancan de nuşteyê ey bi îmzayanê Endam Ronas, Simo, Ç. Nefî û Çeko weşanîyayê. Çeko sazkaranê Grûba Xebate ya Vateyî ra yew o. Hetanî ewro pirtûkêde ey bi nameyê Razarê Dimilkî (Türkçe Açıklamalı Zazaca Gramer) weşanîyayo. Nê xebatê ey zî sey dosya çape rê amade yê:

1) Ferheng (kirmanckî-kurmancî û kurmancî-kirmanckî, 1090 rîpel)

2) Şanikî (seba domanan bi kirmanckî û almankî)

3) Şanikî (seba pîlan)

4) Vateyê verênan

5) Nameyê domanan

6) Nega û Duayî

7) Zawt û zunî

8) Liqot û yarenî

9) Bawerîyê Batilî

10) Îdyom û çekûyê têpeyî

Bê nê xebatan, amadekarîya ferhengê kirmanckî-tirkî û tirkî-kirmanckî keno, tayê kitabê domanan û sewbîna xebatê ey ê nuştekî zî dewam kenê.