FÎHRÎSTÊ 90 HÛMARANÊ NEWEPELÎ
Rojnameyo kulturî Newepel sey rojnameyê yewin yê safî bi kirdkî roja 15 adare 2011 de dest bi weşane kerd. Hetanî hûmara 50. pancês rojan ra reyêk, hûmara 51. ra pey (nîsane 2013) aşme ra reyêk vejîyeno.
Newepel, çarçewaya xebata Komela Ziwan Huner û Kulturî (Ziwan-Kom) de vejîyeno. Na komele temmuza 2010î de Dîyarbekir de hetê grûbêk kurdperweran ra seba pawitiş, averberdiş û aktuelkerdişê kirdkî (zazakî) ronîyabî.
90 hûmaranê Newepelî de 48 cinî 257 camêrd, 305 kesan nuşto. Nînan ra nuşteyê da-hîris kesan yan neqil bîyê yan tercume bîyê, êyê bînan rasterast rojnameyî rê nuşto. Nînan ra zî 200 ra vêşêr kesan reya verêne Newepel de dest bi nuştiş kerdo.
Fîhrîst de nameyê nuştoxan bi hawayêko alfabetîk rêz bîyê. Binê nameyê nuştoxî/e de bi hawayêko kronolojîk nuşteyî rêz bîyê. Nameyê nuşteyî îtalîk nusîyayo, dima mîyanê parantezî de tewirê nuşteyî, ney dima zî bi reqem hûmara Newepelî û badê îşaretê “/” rîpelo ke nuşte tede weşanîyayo esto.
Roşan Lezgîn
Dîyarbekir, 23.09.2016
Şîrove Bike
Yewna rê bişawe 
Prînter Bike
Acor
