![12 Punto](images/font_01.gif)
![14 Punto](images/font_02.gif)
![16 Punto](images/font_03.gif)
![18 Punto](images/font_04.gif)
![](images/news/hmara-89.-ya-newepel-vejya-3399.jpg)
Hûmara 89. ya Newepelî Vejîya
Hûmara 89. ya rojnameyê Newepelî vejîya.
Na hûmare de di roportajî estê. Yew Evdisemed Kayayî derheqê roşananê zemanê verî de Mela Nûrî dir kerdo. Mela Nûrî behsê edetê pîrozkerdişê roşanan yê zemanî verî keno. Roportajo bîn, Alî Aydin Çîçekî hunermenda muzîkî Çiğdem Ülkü dir kerdo. Çîydeme behsê cuya xwu û xebata xwu ya muzîkî kena.
Weysel Hanyildizî derheqê muhîmîya rojnameyê Newepelî de nuşto. Xidir Dîllî nuşteyê xwu de behsê serebutanê eşîra Qocan ya Çemişgezekî keno. Murad Canşad nuşteyê xwu de behsê xiltbîyayîşê ziwanê dewijanê ma keno.
Edîtor nuşteyê xwu de behsê yew nakokîya muhîme keno, vano, sucê giranî ke tirkî û dewleta înan kenê, sîyasî û nuştoxê kurdan û yê tirkan dekenê milê çend kesan de û tirkan pak vejenê. La suco ke çend kurdan kerdo, dekenê milê heme kurdan de.
Gursel Akkuşî yew hîkaye nuşta. Necîbe Kirmizgul yew nuşte nuşto. Huseyîn Çakanî Zîyara Koyê Qirxleran daya şinasnayîş.
Şaynebî Laçîn, Wesîle Doğuç, Ebdulqadir Necaranij û Mehmed Emenî her yewî yew mesela arêdaya. Harûn Bozkurtî hetê Çêrmuge ra tayê mamikî arêdayê.
Şîîrê na hûmare yê Hacer Petekkaya, Mihanî Licokic û Roşan Lezgînî yê.
Sey hûmaranê verênan na hûmare de zî xaçepers, werdê ma, nameyê nebatan û ferhengek esto.
------------------------------
Merheba bira,
Eke mumkin o, yew mesaj bişawe adresa rlezgin@hotmail.com rê.
Çimkî tîya de ma nêeşkenê to dir têkilî ronin.
Ti yew masaj bişawe, dima ma to rê Newepel şawenê.