Îhsan Nûrî Paşa

“Ey ebrhayê Kordistan û ey ‘eqabê Ararat. Ey badê kohistan û zim-zimeyê cûwîbaran. Bivizîd û bibarîd û binalîd ber mezarim ke, akinûn Îhsan Nûrîyê ‘eqabê Ararat matem û xerîb der mezarê xwîş nalan ez xurbet est.” (Fariskî)  

“Ey hewrê Kursdistanî û ey qertalê Araratî. Ey vayê kohistanî û ey xuşe-xuşê çem û royan. Verê mezelê mi de bivizîn û bivarîn û binalîn ke, anika Îhsan Nûrîyê qertalê Araratî şînin û xerîb mezelê xo de xurbete ra naleno.”

Îhsan Nûrî Paşa, 1893 de Bidlîs de ame dinya. Wendegehê verên Bidlîs de, dima Erzingan de ruşdîyeya eskerî wende. 1910 de Îstanbul de mektebê herbîye ra mezûn bi û artêşa Osmanî de bi rutbeyê teymenîye dest bi wezîfe kerd.

Gama ke Beytuşebab de wezîfedar bi, roja 4 êlule 1924 de grûbêk embazanê xo reyde vera dewleta tirkan sere dart we.

1927 de qerarê rêxistina Xoybûnî ser o mintiqaya Serhedî ya Kurdîstanî de, bitaybetî derûdorê koyê Arartî de vera dewleta tirkan de şerê ronayîşê dewleta Kurdîstanî da dest pêkerdiş. Demeyê nê şerî de rojnameyê Agirî neşr kerd.

Îhsan Nûrî Paşa û cinîya xo Yaşar Xanime

Badê ke Tirkîya û Îranî pêkerd û her di dewletan pîya êrîşê hêzê kurdan kerd, şerê Agirî şikîya, Îhsan Nûrî şi Îran.

Paytextê Îranî Tehran de roja 18 adare 1976 de gama ke hetê natê cadeyêk ra vîyartêne hetê wetî, yew motosîklet gina piro. Badê ke hewt rojî nêweşxane de koma de mend, roja 25 adare 1976 de şi rehmet.

Mezelê ey nika Tehran de goristanê Buheştê Zehra de, qitaya 9. rêza 58. numre 12. de yo.