GULBEROJ BIRIN

Li warê me berfek reşî sîseban

Vegirtiye gijlok, terez bariyan

Gerî babelîska kulîlk pûç kirin

Hemû gulberoj bê riçûrûç kirin

Çi barêş e bager vegirt niştiman

Zemîn tev vebestî ji rengê duman

Welat rût û tazî bi wêran kirin

Ji hişk û ji ter tev bi talan kirin

Çivîkên di lîsan de tev çûn firîn

Hinek baskşikestî bi çavxûn girîn

Kevokên dibin gef û bizda xeşim

Gelek hilpekîn girdelûla ne şim

Bi tewşî kila bû çeqo serbirîn

Bi kirx xwendera sik li ten sed birîn

Felek kurd nezar û xizan in çima?!

Ji perwer û vînê nezan in çima?!