FÎHRÎSTÊ 100 HÛMARANÊ NEWEPELÎ

Rojnameyo yewin o safî bi Kirdî Newepel 15 adare 2011 de Diyarbekir de dest bi weşane kerd. Hetanî hûmara 50. panciyes rojan ra reyêk, hûmara 51. ra pey aşme ra reyêk vejîya. Bi hûmara hezîran 2017 resa 100 hûmaran û weşana xwu vindarna.

Newepel, çarçewaya xebata Komela Ziwan Huner û Kulturî (Ziwan-Kom) de weşanîya. Ena komele 2010 de Diyarbekir de hetê grûbêk kurdperweran ra seba pawitiş, averberdiş û aktuelkerdişê Kirdî ronîya.

Nameyê nuştoxanê ke nuşteyê înan sewbîna cayan ra neqil biyê, bi rengo sûr îşaret biyo. Nameyê nuştoxanê camêrdan bi rengo kewe û nameyê nuştoxanê cînîyan zî bi rengo kesk îşaret biyo. Miyanê nuştoxanê ke bîzzat Newepelî rê nuşto ra tewr tay 250 kesan reya verîne Newepel de dest bi nuştiş kerdo. Nînan ra panc-şeş kesî kurdê kurmanc ê, ê bi xwu îfade kenê ke çarçewaya weşana Newepelî yan zî Zazakî.Net de Kirdî mûsayê û dest bi nuştiş kerdo.

Fîhrîst de nameyê nuştoxan bi hawayêko alfabetîk rêz biyê. Binê nameyê nuştoxî/e de bi hawayêko kronolojîk nuşteyî rêz biyê. Nameyê nuşteyî îtalîk nusîyayo, dima miyanê parantezî de tewirê nuşteyî, dima zî bi reqem hûmara Newepelî û badê îşaretê “/” rîpelo ke nuşte tede weşanîyayo esto.

Seba dosyaya pdf bitikne>>>