Lacê Ema Orhan Pamukî Reyde Roportaj

Rojnamevan: Merheba. Seba ke to qebûl kerd ez to reyde roportaj bikerî zaf spas.

L.E.O.P.: Çiman ser.

Rojnamevan: Nameyê to çi yo?

L.E.O.P.: Ez vacî zî ferq nêkeno, milet rew xwu vîr ra keno.

Rojnamevan: Çiman ser. Iii…

L.E.O.P.: Ti vindere, ez do dewam bikerî. Zaten heme rojnamevanî eynî çiyan persenê. Wexto ma qicek bî Orhano xalza hende biaqil nêbi. Xwura biaqil zî nîyo la… Kompozîsyonanê mi yê ey ra weşêr bi. La mi dewam nêkerd…

Rojnamevan: Iiieeyy…

L.E.O.P.: Himmm, gama ke extîyaranê ma qisey kerdêne ey zî goştarî kerdêne, dima şiyêne nuştêne. Ma erey fam kerd ke fîlmê ma gêno! Ne hemoroîdê ma mend ne prostat. Êdî pîrikê mi vatêne “Hişşş, Orhan yeno! Wa kes ey het de mi ra çiyêk nêvaco, ma rezil benê…” A winî kerdêne.

Rojnamevan: Nuştiş ra tepîya se kerdêne?

L.E.O.P.: Se kerdêne, PR kerdêne! Dima zî bi namdar.

Rojnamevan: Se kerdêne mesela?

L.E.O.P.: Ewnîya ke mihafezekarî aver şinê, tarîxê Îslamî filan wend, dima înan ser o nuşt. Hehheeyy! Xalcinîya mi vat… Vat ke ino Orhan rocêk şiyo keye, cînîya xwu ra vato “Zaf serd o, keye de çend lihêfî estê, bêre biyare, bierze mi ser. Ez do binusnî, îlham yeno…” Heheheeyy!

Rojnamevan: E... Zey eminî kerdo... To vat “cînîya ci”?

L.E.O.P.: E yaw, çi heyf ke cînî zî verada…

Rojnamevan: Badê ci?

L.E.O.P.: Badê ci zî bi şûbeyê Teraqîperwer Kurd Firqasî! To dî şi rojname vila kerd…

Rojnamevan: Dima se bi?

L.E.O.P.: Miradê ci bi! Nobel girot, mesela qedêna…

Rojnamevan: Ma hende çî qandê Nobelî kerd?

L.E.O.P.: Ê ti vace, meselaya Kurdan xilas bî?

Rojnamevan: Nê…

L.E.O.P.: Qey çî ewro zî rojnameyan vila nêkeno? Xwura hende pere kewt destê ey la nirç... Şi muze akerde. Eke o pere mi de biyêne mi nîmeyê mehla girotêne… Heh, ma ra muze kêmî bî!