VIL Û GULÎ…

Adîr yow rûn id veyşena zerr

Sûc mi çina w’ ez kerdû kerr

Mî r’ kerda cehnim ina serr

Ez vil pê se kîr, gul pê se kîr

Ez ig amo sêr in erdû

Zerr ez eştû mîyn in derdû

Rahatey mi ra girot berdo

Ez vil pê se kîr, gul pê se kîr

Serr serdin a, serr wenik a

Zerr xayin a, zerr tenik a

Zêr şew id dişmên venik a

Ez vil pê se kîr, gul pê se kîr

Zerr tenik a, zerr xapîyena

Aqil şenik sari ra vecena

Emîr mi ra ruecû ruec bena

Ez vil pê se kîr, gul pê se kir

Zer kota yow cehdo qêymi

Kerd xirabi veşnow kêmi

Dinya d’ bêylû nîy cêy’ mi

Ez vil pê se kîr, gul pê se kîr

Wisar rind, tim pê vil o gul

Mî r’ yen tim-tim derd o kul

Ez vêşno pê adir o kil

Ez vil pê se kîr, gul pê se kîr