Waçîng Tîvî

Tiq!

Tirinininii! Çeq! “Komeleya Merdimanê ke Dîndaran Ver Biyê Ateîst”, kerem bike? Nê, komeleya ma de dîn û mezheb ferq nêkeno. E, eee, mi fam kerd, şima dîndaranê kamcin dînî yan mezhebî ver biyê ateîst ferq nêkeno, şima eşkenê bibê endam. E...

Tiq!

Dolar biyo heşt mîlyonî û nîm, Euro biyo des, Sterlîn biyo des û di... Bitcoin zî...

-Tiq!

-Merkur, Wenus, Mars... Ganî heme bi ziwanê Jupîterî qisey bikerê. Xwura Pluton seyyare nîyo, ziwanê ci zî ziwanê medenîyetî nîyo. Asîmanek, ziwanek!

Tiq!

Homa belayê inê vîrusî bido! Keyeyê mutasyonanê ci biveşo! Nîmeyê dinya kişt, cinîya mi da veradayiş! Yawh... yawh... Ez aye re vana "Survivor Xece!" Tobe ya Rebî, her ke ez aye vînena, giştirane mi rê sey toqe yeno...

Tiq!

Vizêr saete hewt de merdimekî cînîya xwu kişte...

Tiq!

Emşo saete heşt de cîneke mêrdeyê xwu kişt...

Tiq!

Meşte saete new de...

Çirt!